Sitaron ki mehfil aur chai ki piyali

Sitaron ki mehfil ne karke ishara
Kaha ab to saara jahaan hai tumhara..
Ye raatein, ye mausam, nadi ka kinaara, ye chanchal hawa. 

Ye upar ki kuch panktiyaan ek hindi gaane se hain! Aur aisa hi kuch mauhal tha uss din daftar mein. Thandiyaan bass aa hi chuki thin, andhera bhi ho gaya tha, kareeb 8 baj rahe honge ghadi mein.

Kaam bohot tha par dimaag mein kuch aur hi tikdam chal rahi thi. Humare alawa kuch aur saathi ruke hue they. Kaam toh unko bhi bohot tha aur unme se ek sahab teen baar bol chuke they ki unko ghar jaana hai par kisi wajah se wo ye baat dohra kar wapas bagal mein baith jaate.

Ek jabab alag hi kashmakash mein they. Kaam unko bhi bohot tha par bhook ki wajah se unka man dagmaga raha tha. Kare bhi toh kya? Aakhir pet ke aage kisi ki chali hai?
Tabhi humne pucha kya kuch khaaye? Ek mohatrma jo kuch mahino pehle Bombay.. areh, Mumbai se aayi hai unhone bade chaav se bola Vada Pao mangwaaya jaaye! Chaliye vada pao mangwaya gaya, magar abhi bhi jee kaam mein nahi laga.
Tabhi kisi ne gaane bajana shuru kar diya.

RD Burman ka mysic aur Gulzar saab ke bol ne alag hi mehfil saja di thi. Tabhi janab jo teen baar ghar jaane ka bol chuke they, unhone hum sabse pucha… Chai peeyenge aap log?

Fir kuch alag hua. Chai peete peete log, kuch chup se ho gaye. Kamre mein alag hi khamoshi thi. Khamoshi jo badi pyari thi. Ek sukoon tha uss khamoshi mein! 

Ye kya baat hai aaj ki chaandini mein, ke kho gaye pyaar ki raagini mein..
Ye raatein, ye mausam, nadi ka kinaara, ye chanchal hawa.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s